Kyivde avgustnıñ 23-nde Kyivniñ yarımada keleceginen bağlı baqışları ve Qara deñiz regionında telükesizlik meselelerine bağışlanğan «Qırım platformasınıñ» üçünci Halqara sammiti Kyivde avgustnıñ 23-nde olacaq. Bu aqta Ukrayına Tış işler naziriniñ birinci muavini Emine Ceppar ayttı.
«Avgustnıñ 23-nde Kyivde «Qırım platformasınıñ» üçünci Halqara sammiti gibrid formatta keçirilecek… Qırımnıñ ğayrıdan tiklenmesi ve kelecegine bağışlanacaq – Ukrayına Qırımnı nasıl köre, em de Qara deñiz telükesizligi baqılacaq», – dep bildire aytqanlarını Ukrinform.
Cepparnıñ hatırlatqanına köre, bıltır «Qırım platformasına» Global cenüp memleketleri qoşulğan edi. Şimdiki sammitniñ vazifesi «Qırım platformasınıñ» coğrafiyasını kenişletmek ola, dep qayd etti o.
Nazir muavini bildirgenine köre, avgustnıñ 22-nde «Qırım platformasınıñ» sammiti arfesinde ekspert munaqaşası olacaq. Buña azırlıq körgen iş gruppaları şekillendirildi.
Ukrayına teşebbüsinen «Qırım platformasınıñ» halqara koordinatsion mehanizm 2021 senesi avgust ayında Kyivdeki tesis sammitinde başlatıldı. Platformanıñ maqsadı – halqara kün tertibinde Qırımğa olğan diqqatnı saqlap qalmaq, Qırımda insan aqlarını qorçalamaq, yarımadanıñ işğalinden qurtarıluvına yardım etmektir.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
