Qırımtatar Milliy Meclis reisiniñ birinci muavini Nariman Celâl sentâbrniñ 11-nde «Qırım platforması» sammitindeye vatandaş ve siyasiy mabüslerniñ Rusiye esirliginden qaytuv meselesine diqqat ayırmağa niyetlene. Bu aqta Celâl Qırım.Aqiqat Radiosınıñ yayınında ayttı.
Celâl esir ve siyasiy mabüslerni öz vatanlarına qaytarmaq içün yapılacaq areketler aqqında laf etmege niyetlene.
«Bilesiñizmi, mında esas şey şunda ki, Ukrayina devletiniñ bugün cenk şaraitlerinde çezmege mecbur olğan bir çoq meselelerden bu [esirlikten qaytuv - QA], unutmamaq kerekmiz, obyektiv, subyektiv sebepler bar, ne yazıq ki, Qırım Ukrayinanıñ bütün Qırımğa nisbeten ve Qırım siyasiy mabüsleriniñ qaytarılmasınen bağlı yapqanlarına diqqatnen baqa, siyasiy mabüslerniñ sayısı eki yüzden ziyadedir, ve ilâhre, çoqusı qırımtatarı», – dep qayd etti Celâl.
Celâlnıñ aytqanına köre, onıñ qaytıp kelmesi ve azat etilmesine munasebet «Qırımda yaşağan vatandaşlarımıznıñ esirlikten qaytması tek bir insannı qaytarğanımız içün insaniy bir an degil, bu Qırımğa pek açıq bir işarettir ki, Ukrayina ükümeti, Ukraina devleti Qırımğa diqqat ayıra».
«Yani mesele adiy, insan qayttı, Qırım sakini, bir şey içün mahküm etildi, adaletsiz bir şekilde mahküm etildi ve taqip etildi, Qırımda bu beklengen bir şey, Ukrayina bizni unutmay. Ukrayina daa bir siyasiy mabüsni keri qaytarıp oldı, tek siyasiy mabüs degil, er biri içün quvanamız, qaytarılğan er bir insan, Qırımdan olğanlar. Bu müim bir iş, ve er kesniñ diqqatını buña celp etmege isteyim, işğal etilgen Qırımğa, vatandaşlarımızğa muracaat etken şeylerimiz, mündericesi», – dep qayd etti Meclis reisiniñ birinci muavini.
Ukrayina prezidenti Volodımır Zelenskıy «Qırım platforması» sammiti sentâbrniñ 11-nde ötkerilecek, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
