Zagrebde «Qırım platforması» parlament sammitiniñ umumiy sessiyası başlandı.
Sammit Ukrayına Yuqarı Radası ve Hırvatistan parlamenti tarafından keçirile.
Tedbirde parlament assambleyaları, halqara teşkilâtlar, Avropa parlamenti, ABD, Hırvatistan, Büyük Britaniya, Litvaniya, Estoniya, Latviya, Çeh Cumhuriyeti, Poloniya, Almaniya, Türkiye, İsveçiya, Kanada, Yaponiya ve Cenübiy Amerika, Afrika ve Asiyanıñ vekilleri iştirak etecektir.
Sammit iştirakçileri Ukrayına ve işğal altındaki Qırım, global telükesizlik havflarınıñ artması ve Rusiyege qarşı halqara ve sanktsiya basqısınıñ quvetleşmesine diqqat ayıracaq.
Oktâbrniñ 24-nde Hırvatistanda «Qırım platforması» ilk Parlament sammiti çalışıp başladı. Birinci künü işğalden azat etilgen soñ Qırımnıñ reintegratsiyası, keçici adliye ve Rusiyeni halqara cinayetleri içün mesüliyetke çeküv munaqaşalarına bağışlandı.
«Qırım platformasınıñ» ekinci sammiti 2022 senesi avgustnıñ 23-nde 59 memleket ve halqara teşkilât vekilleriniñ iştiraki ile online ötkerildi.
«Qırım platformasınıñ» ilk tesis sammiti bıltır avgustnıñ 23-nde olıp keçti. 47 çetel devleti ve halqara teşkilât iştirak etti.
«Qırım platforması» – Ukrayınanıñ teşebbüsinen qurulğan halqara mesleat-koordinatsion formattır. Onıñ maqsadı Qırım işğaline qarşı halqara cevap semereligini arttırmaq, telükesizlik havflarınıñ artmasına cevap bermek, Rusiye Federatsiyasına qarşı halqara basqını quvetleştirmek, insan aqlarınıñ bozuluvına yol bermemek ve Rusiye rejiminiñ qurbanlarını qorumaq, em de esas maqsadı Qırımnı işğalden azat etip, Ukrayınağa keri almaqtır.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
