İyülniñ 28-nde aqşam keç saatlarda ve iyulniñ 29-da gece Aqyarda ve Rusiye işğal etken Qırım yarımadasınıñ diger regionlarında patlavlar oldı. Bu aqta pablikler bildire. Rusiye akimiyeti Aqyarda ava telükesini ilân etti.
"Krımskiy veter" Telegram kanalınıñ abunecileri bildirgenine köre, Aqyarda ava telükesi Felenk burnundaki bir qaç patlavdan soñ ilân etildi. Yerli sakinler atışlar aqqında bildirdi, mühtemelen Qırımnıñ ğarbindeki Aqmeçit qasabasında mobil ateş gruppaları aqqında.
Yarı gecege yaqın küçlü patlavlar ve uçucısız uçuşları, Qırım.Aqiqat menbalarınıñ haberine köre, Keriç, Aqmescit ve Kezlevde qayd etildi. Keriç köpründe areket toqtatıldı, dep bildire monitoring Telegram kanalları.
"Krımskiy veter" Telegram kanalı uydu çekimleriniñ malümatına esaslanıp haber etkenine köre, Keriçte gece dron ücüminden soñ eki büyük yanğın qayd etile:
- Keriç deñiz ticaret limanınıñ 5-inci anbarı ve, belki de, qomşu obyektleri – GMS bazası ve PS 110/6 kV "Steklo" elektrik ast stantsiyası yana.
- Yanğın Rusiye Ava mudafaasınıñ vastaları yerleşken kiçik vatandaş aviatsiyasınıñ uças alanında qayd etildi.
Bundan ğayrı, "Krımskiy veter" monitoring gruppası Qara deñizde NATOnıñ MAGMA10 lağaplı Northrop Grumman RQ-4D Phoenix strategik uçucısızınıñ uçqanını qayd etti.
Rusiye Mudafaa nazirligi Rusiyeniñ 11 regionı, işğal etilgen Qırım ve Qara ve Azaq deñizlerinde 295 dron urıp tüşürildi, dep bildirdi. Bunıñ delili kösterilmedi. Tüşürilemegen dronlarnıñ sayısı aydınlatılmadı.
Ukrayina arbiyleri ücümni şimdilik izaatlamadı.
Qırım.Aqiqat cenk vaziyetinde bu malümatnı mustaqil bir şekilde teşkerip olamay.