İyünniñ 23-nde gece Qırımda kene patlavlar eşitildi, Qırım yarımadasınıñ bir qısmı elektriksiz qaldı, dep bildire Qırımnıñ Telegram kanalları ve Rusiye akimiyeti.
"Krımskiy veter" Telegram kanalı Qırımnıñ İçki rayonında patlavlar, Kefede ve Keriçte raketa ve patlavlar aqqında yazdı. Bundan ğayrı, Şçolkino, Or Qapı ve Seyitler rayonlarında patlavlar aqqında haber etildi.
İyünniñ 23-nde gece Qırımda kene patlavlar eşitildi, Qırım yarımadasınıñ bir qısmı elektriksiz qaldı, dep bildire Qırımnıñ Telegram kanalları ve Rusiye akimiyeti.
"Krımskiy veter" Telegram kanalı Qırımnıñ İçki rayonında patlavlar, Kefede ve Keriçte raketa ve patlavlar aqqında yazdı. Bundan ğayrı, Şçolkino, Or Qapı ve Seyitler rayonlarında patlavlar aqqında haber etildi.
Keriçniñ Qamış Burun (Arşintsevo) qasabası civarındaki TETSte ve Qırımnıñ İçki rayonınıñ Nikolayevka köyüniñ şimalinde PS 220/35 kV "NS-2" elektrik aststantsiyası civarında yanğın aqqında haber etildi.
Rusiye akimiyeti "Krımenergo" müessisesiniñ malümatına esaslanıp bildirgenine köre, yarımadada "tehnologik bozuvlar" sebebinden elektrik energiyası söndürile.
"Kezlev, Saq, Or Qapı, Canköy, Or Qapı, Saq, Canköy ve Qurman rayonları elektriksiz qaldı", – dep aytıla haberde.
Rusiye Federatsiyasınıñ Mudafaa nazirligi bildirgenine köre, Rusiyeniñ 8 regionında, işğal etilgen Qırım ve Qara ve Azaq deñizlerinde 143 dron urıp tüşürildi. Bunıñ delili kösterilmedi, tüşürilemegen dronlarnıñ sayısı aydınlatılmadı.
2022 senesinden başlap Qırım yarımadasınıñ territoriyasına aman-aman er kün pilotsız uçaq ve raketalar ücüm ete. Çoqusı allarda Rusiye Mudafaa nazirligi ya da Rusiye akimiyeti, bu malümatnı tasdıqlasa bile, arbiy obyektlerge zarar ketirilgenini tasdıqlamay.