Haber etilgenine köre, Saq, Aqyar, Keriç şeerlerinde, em de Belbek ava limanınıñ etrafında patlavlar eşitildi.
Bundan evel Rusiyeniñ monitoring kanalları Qırımğa doğru dronlarnıñ atılğanı aqqında haber etti.
Aqyarnıñ Rusiye yolbaşçısı Mihail Razvojayev «yalığa yaqın mesafede» dört uçucısız urıp tüşürildi, dep bildirdi.
Razvojayevniñ aytqanına köre, dronlar 1,5 kilometr yükseklikte uçtı. Rusiye akimiyetiniñ malümatı mustaqil menbalarda tasdıqlanmalı.
Rusiye monitoring kanalları katerlerniñ ücümi aqqında bildirdi.
Rusiye akimiyeti uçucısızlarnıñ ücüm aqibetleri aqqında haber etmedi.
Fevralniñ 24-nde Razvojayev şeer uçucısızlarnıñ ücümine oğradı, dep bildirdi.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
