Link açıqlığı

Saatnıñ esas haberi

Qırımda bazı patlavlar yañı Ukrayına silâsınıñ sınamasınen bağlı ola bile – Danılov


Oleksiy Danılov 

Ukrayına milliy telükesizlik ve mudafaa şurasınıñ kâtibi Oleksiy Danılov işğal etilgen Qırımda bazı patlavlar Ukrayına tarafından yañı silânen sınamasınen bağlı ola bile, dep ayttı. Bu aqta o, Ukrayına umummilliy telemarafonı yayınında bildirdi.

Danılovnıñ qayd etkenine köre, Ukrayına Qırımda yerli silânı sınap baqa bile, çünki «Qırım – bizim toprağımızdır».

«Bir de bir silâ sınap baqılsa, bu bizim toprağımızda ola. Daa bir kere qayd etem, Qırım – bizim toprağımızdır. Belki, o künü yañı zemaneviy silâ sınap baqıldı. Bunı inkâr etmeyim», – dep bildirdi Danılov.

Danılov Qırım plâjlarında qurulğan fortifikatsion inşaatlarnı izaatlap, bular «olarnı qurtaramaz», dep ayttı.

«Belki, bir şeyler tahmin eteler, amma, inanıñız, qaç kilometr qazsalar qazsınlar, bular olarnı qurtaramaz», – dedi Danılov.

2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayıina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG