Link açıqlığı

Saatnıñ esas haberi

Qırımnıñ strategik tedqiqatlar institutı müzeylerniñ Qırımdan tahliye etilecegi aqqında bildirdi, Rusiye akimiyeti bunı inkâr ete


Ayvazovskiy ve Şişkinniñ resim sergisi, nümüneviy fotoresim
Ayvazovskiy ve Şişkinniñ resim sergisi, nümüneviy fotoresim

Qırım müzeylerine «kollektsiyalarnıñ tahliyesi» içün «paketlev malzemeleri» ketirildi. Bu aqta dekabrniñ 6-nda Qırımnıñ strategik tedqiqatlar institutı haber etti.

«Müzey kollektsiyaları içün yañı telüke! Qırım müzeyleriniñ bir qısmına kollektsiyalarnıñ tahliyesi içün paketlev malzemeleri ketirildi. Gizli malümatqa köre, zaptçı ordusı Perekop tarafına ketip başlasa, tahliye başlatıla bile. Qırımnıñ strategik tedqiqatlar institutınıñ ekspertleri bu «tahliye» daa erte, Ukrayına Silâlı quvetleri Dnipronıñ sol tarafına ücüm etip başlasa, ola bile, dep tüşüne. Vaziyetni taqip etemiz», – dep aytıla haberde.

Rusiye kontrolindeki Qırım yolbaşçısınıñ mesleatçısı Oleg Krüçkov Telegram kanalında bu malümatnı «yalan» dep adlandırdı.

Ukrayınalı arheolog Evelina Kravçenko Qırım.Aqiqatqa izaat berip, Aqyar müzeylerine tahliye masrafnamesini tasdıqlamağa emir kelgen edi, dep bildirdi. Yani qadavlav malzemeleri, qutu, benzin masrafları, tahliye vaqtında qoruv, naqliyat masrafları yazılmaq kerek edi.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG