Qırımnıñ Rusiye memuriyeti yarımada mekteklerinde qırımtatar bayrağını kötermege yasaqladı, dep bildire«KrımSOS» aq qorçalayıcı teşkilâtı.
Berilgen malümatqa köre, Qırımtatar genotsidiniñ qurbanlarını añma kününe bağışlanğan tedbir keçirmege de izin berilmey.
«Hatıra künleri arfesinde qırımtatar mekteplerinde mahsus komissiya çalışacaq, çünki böyle tedbirlerniñ planlaştırıluvı provokatsiya azırlığı dep sayılacaq», – dep aytıla haberde.
KrımSOS malümatına köre, bayraq yasağı yazma şekilde bildirilmedi, amma mekteplerge Qırımnıñ Rusiye yolbaşçısı Sergey Aksenovnıñ vekilleri keldi. Bayraq ne içün köterilemez sualine bir yerde qayd etilmedi, tek Rusiye ve «Qırım Cumhuriyeti» bayraqları bar, dep cevap bere ekenler, dep ayta aq qorçalayıcılar.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
