Link açıqlığı

Saatnıñ esas haberi

Qırımda koronavirus hastalarınıñ sayısında daa bir rekord qayd etildi


Nümüneviy fotoresim
Nümüneviy fotoresim

Qırımdaki akimiyet COVID-19 hastalarınıñ sayısında daa bir rekord qayd etti – oktâbrniñ 6-nda saba 452 yañı hasta qayd etildi, tünevin qayd etilgen hasta sayısından daa çoq oldı, dep bildire Qırımnıñ Rusiye sağlıq nazirliginiñ matbuat hızmeti.

Müessise malümatına köre, keçken künü 14 insan koronavirus yuqunçından vefat etti.

«Umumen (pandemiya vaqtında – QA) 81 815 COVID-19 hastası qayd etildi. Bir künde 386 insan yahşı oldı, bütün müddet devamında 69928 kişi tüzeldi, Qırımda pandemiya vaqtında 2644 hasta koronavirustan vefat etti», – dep aytıla haberde.

Hatırlatamız, dört künden berli bir künde qayd etilgen COVID-19 hasta sayısında rekord qayd etile – tünevin 441 yañı hasta, oktâbrniñ 4-nde 435 hasta, oktâbrniñ 3-nde ise 421 hasta aqqında haber etilgen edi.

Qırımda sentâbrden başlap koronavirus hastalarınıñ sayısı arta. Yerli Rospotrebnadzor idaresi dördünci koronavirus dalğası olacaq, faqat qırımlılar daa az aşı ola, dep bildirdi. Qırımnıñ Rusiye yolbaşçısı Sergey Aksenov, yarımadada COVID-19 hastalarınıñ sayısı artsa da, akimiyet qoşma sıñırlavlar kirsetmeycek, dep ayttı.

Rospotrebnadzor eñ çoq koronavirus hastası qayd etilgen Qırım regionlarını aydınlattı. Aqmescit ve Aqmescit rayonı lider ola. Aqmescit akimiyeti koronavirus epidemiyası sebebinde eki mektepni qapattı.

Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

COVID-19 koronavirus yuqunçı

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG