Noyabrniñ 8-nde saat 4:00-dan 16:00-ğa qadar Qırım (Keriç) köpründe maşina areketi «tehnologik işler keçirilecegi içün» toqtatılacaq. Bu aqta Qırımnıñ Rusiye yolbaşçısı Sergey Aksenov bildirdi.
«Bu vaqıtqa Qırımdan Krasnodar ülkesine ve andan ziyaret planlaştırmamağa rica etem», – dep yazdı o, Telegramda.
Aksenovnıñ qayd etkenine köre, yük maşinalarına Rusiyege Rusiye ordusı işğal etken Ukrayına topraqlarından ketmege tevsiye etile.
Rusiye naqliyat nazirligi Keriç (Qırım) köpründe noyabrniñ 7-nden 10-na qadar areket sıñırlana bile, dep bildirgen edi. Müessise Qırım köpründe areket sıñırlanması «tehnologik işlerniñ» keçirilüvinen bağlı, dep haber ete.
Oktâbrniñ 8-nde saba Qırım köpründe patlav oldı. Rusiye tahqiqatçılarınıñ versiyasına köre, yük maşinası patladı. Neticede eki maşina yolu zarar kördi, patlav sebebinden ya da aynı vaqıtta köpürniñ tren yolundan ketken yük treni yanıp başladı. Başta üç ölü, soñra patlavnıñ dört qurbanı aqqında haber etildi.
Rusiye prezidenti Vladimir Putin bu patlavnı «terakt» dep adlandırdı, onıñ icracıları ve sımarış etkenler Ukrayina mahsus hızmetleri ola. Rusiye Tahqiqat komiteti Rusiye Ceza kodeksiniñ 205-inci maddesine («Terrorizm») istinaden cinaiy dava açtı.
Ukrayına prezidenti Volodımır Zelenskıy Kyiv köpürdeki patlavnı «sımarlamadı», dep bildirdi.
Ukrayına Baş istihbarat idaresiniñ spikeri Andrey Yusov Rusiyeniñ Keriç köpründe patlav tahqiqatını «saçmalıq» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
