Link açıqlığı

Saatnıñ esas haberi

Rusiye ordusı Qırım köpründe dört «Ahmat» zırhlı arabasını coydı – Ukrayına istihbaratı


Keriç köprü
Keriç köprü

Rusiye arbiyleri Qırım köpründe dört dane «Ahmat» Z-STS zırhlı arabasını coydı, dep haber ete Ukrayına Mudafaa nazirliginiñ Baş istihbarat idaresi.

«Rusiye terroristleriniñ beş «Ahmat» Z-STS zırhlı arabası cenk areketleri alanına barıp çıqamadı. Martnıñ 26-nde 34-ünci ayrı motoatıcılar brigadasınıñ beş Z-STS maşinasından ibaret kolonnası işğal altındaki Qırımğa doğru Qırım köpründen kete edi», – dep aytıla haberde.

İstihbarat, resmiy malümatqa köre, «yüksek tezlik ve kolonna erkânında areket vaqtında telükesiz mesafege riayet etmegenleri» yolunı bitirmege imkân bermedi, dep haber etti.

«Neticede – beş arabadan dördü ciddiy tamirge muhtac. «Ahmatlar» Herson vilâyetine ketip, Pridniprovske yönelişinde olğan işğalcilerniñ bölüklerine qoşulacaq edi», – dep bildirdi müessise.

Z-STS «Ahmat» – Ukrayınada cenk başlağan soñ çeçen uquq qoruyıcılarınıñ sımarışınen yapılğan zırhlı arabadır. Mayısnıñ 9-nda maşinalar Groznıydeki paradda kösterildi, soñra cenkke yollandı. İyün ayında Ramzan Kadırov Z-STS satın alğanını bildirdi, 20 araba aqqında aytıldı.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG