Qırım (Keriç) köprü talimler sebebinden qapatıldı, dep bildirdi Qırımnıñ Rusiye yolbaşçısı Sergey Aksenov.
«Qırım köprü talimler sebebinden qapatıldı. Areket bir qaç saattan ğayrıdan başlanacaq. Tek teşkerilgen malümat menbalarına inanıñız», – dep ayttı Aksenov.
Kezlevde de Rusiye uquq qoruyıcılarınıñ talimleri keçti.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
