Oktâbrniñ 8-nde patlavdan soñ zarar körgen Keriç (Qırım) köprüniñ maşina qısmında areket kene başladı, dep haber ete «Taman» Rusiye yod idaresiniñ matbuat hızmeti.
«Dekabrniñ 5-nde saat 10:50-de ğayrıdan tiklev işleri çerçivesinde Qırım köprüniñ maşina qısmında sağ tarafqa naqliyat alındı», – dep aytıla haberde.
Oktâbrniñ 8-nde saba Qırım köpründe patlav oldı. Rusiye tahqiqatçılarınıñ versiyasına köre, yük maşinası patladı. Neticede eki maşina yolu zarar kördi, patlav sebebinden ya da aynı vaqıtta köpürniñ tren yolundan ketken yük treni yanıp başladı. Başta üç ölü, soñra patlavnıñ dört qurbanı aqqında haber etildi.
Rusiye prezidenti Vladimir Putin bu patlavnı «terakt» dep adlandırdı, onıñ icracıları ve sımarış etkenler Ukrayina mahsus hızmetleri ola. Rusiye Tahqiqat komiteti Rusiye Ceza kodeksiniñ 205-inci maddesine («Terrorizm») istinaden cinaiy dava açtı.
Ukrayına prezidenti Volodımır Zelenskıy Kyiv köpürdeki patlavnı «sımarlamadı», dep bildirdi.
Ukrayına Baş istihbarat idaresiniñ spikeri Andrey Yusov Rusiyeniñ Keriç köpründe patlav tahqiqatını «saçmalıq» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
