Kyivde jurnalist Aynur Koskinanıñ «Qırım kervanı» vesiqalı filmi kösterildi. Levha Ukrayınağa qarşı büyük istilâ sebebinden Rusiye Federatsiyası ilân etken qısmiy seferberlik vaqtında Qazahistan ve Özbekistanğa ketken qırımtatarlarnıñ problemlerine bağışlana.
«Qırımtatar tarihınıñ facialarını köstermege istedik, tarih tekrarlana. Amma 1944 senesiniñ adiseleri tekrarlana. Qırımtatarlar evlerden, tuvğan topraqlarından quvulğan olsa, şimdi qırımtatarlar halqını saqlamaq içün özleri ketmege mecbur. Film qaramanlarımızdan biri – Almatıda (Qazahistan) yaşağan qırımtatarı – aytqanı kibi, halqını saqlamaq içün insanlarnıñ telükesizligini temin etmek kerek», – dep tarif etti Koskina «Suspilne Krım» içün bergen intervyüsında.
Şimdi levha qaramanları Qazahistan tışında buluna, amma çekim taqımı olarnen subetleşmege devam ete, çünnki olarnı bir arzu birleştire – işğalden azat etilgen Qırımğa qaytuv aqqında film çıqarmaq.
«Qırım kervanı» dekabrniñ 8-nde saat 16:00-te Velıka Vasılkivska soq., 40 adresi boyunca «Lira» kinoteatrinde oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
