Qırımtatar Resurs Merkezi malümatına köre, işğal vaqtında siyasiy mabüs ve siyasiy sebeplerden taqip etilgenlerniñ sayısı 307 oldı. 55-i azat etildi, 34-ü qırımtatar halqınıñ vekilleri ola.
Merkez, Qırım işğal etilgen soñ Rusiye qanunlarnı siyasiy maqsadlarda farqlı şekilde qullana, yarımadada qırımtatarlarğa ve Ukrayına tarafdarı faallerge qarşı kütleviy repressiyalar başlattı, dep bildirdi. Siyasiy davalar çerçivesinde azatlıqtan marum etilgen insanlarnıñ sayısı er yıl arta.
Ukrayına prezidentiniñ Qırım Muhtar Cumhuriyetindeki temsilciligi fevralniñ 5-ne qadar rusiyeliler Qırımda 208 insannı qanunsız şekilde mahküm etti, dep bildirdi. 125-i qırımtatarı ola.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
