Kyivde «Qırım inciri» ukrayin-qırımtatar edebiyat yarışınıñ finalistleri ve ğaliplerini taqdirlev merasimi keçirildi.
Tedbirde Frontir institutınıñ müdiri, Ukrayina katolik universitetiniñ ocası Yevğen Ğlebovıtskiy çıqışta bulundı, yarış finalistleri taqdirlendi, «Qırım inciri» beşinci yarışınıñ ğalipleri ilân etildi ve qırımtatar icracılarınıñ muzıkalı performansı oldı.
«Qırım inciri» – 2018 senesi başlatılğan ve yarış, festival ve antologiya şeklinde inkişaf etken infrastrukturası olğan ukrayın-qırımtatar edebiyat yarışıdır. Leyha qırımtatar tili ve edebiyatınıñ tarqatıluvı ve inkişafı, Ukrayına edebiyatında Qırım ve qırımtatarlar mevzusını populârlaştırmaq, eki medeniyetniñ bir-birini daa teren añlaması içün tercimelerniñ peyda olması içün tesis etildi.
Bu yıl yarışqa 268 iş keldi: 237 eser ve 31 tercime. «Sınama» yañı nominatsiyasında 20 eser taqdim etildi.
Yarışçılar arasında Ukrayına Silâlı quvetleriniñ arbiyleri ve köçkenler (em memleket içinde, em çetelge ketkenler) bar. Yarış işleri Ukrayınanıñ bütün regionlarından, işğal etilgen yerlerinden ve diger memleketlerden keldi: Poloniya, Almaniya, Qazahistan, Latviya, İtaliya, Büyük Britaniya, Türkiye.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
