Bu yıl oktâbrniñ 21-nde Rusiye mahkemesi onı "terrorizmde ve Hizb ut-Tahrirde iştirak etkeninde" qabaatlap, 15 yıl apiste qalmasına üküm etti. Bağçasaraydaki beşinci gruppağa birleştirilgen davalarnıñ daa beş mabüsi uzun apis cezalarını aldı.
Rusiye "Hizb ut-Tahrir davalarınıñ" bu ve diger mabüslerini nede qabaatlay? 10 yıldan ziyade bu davalar boyunca qaç Qırımlı mahküm etildi? 2022 senesinden soñ işğal etilgen Qırımda taqip meyilleri deñiştimi? Bu aqta Qırım.Aqiqat Radiosınıñ yayınında alıp barıcı Alena Badük Qırım aq qorçalayıcı gruppasınıñ idare reisi Olga Skripnik ve 4 yıl işğal etilgen Qırımda çalışqan ukrayin jurnalisti Oleksandra Yefimenkonen laf etti.