Qırımda 106 Ukrayına vatandaşı «Hizb ut-Tahrir davaları» boyunca taqip etile, dep bildirdi «KrımSOS» aq qorçalayıcı teşkilâtınıñ talilcisi Yevğen Yaroşenko.
«Qırımnıñ Rusiye işğaliniñ doquz yılı devamında 106 Ukrayına vatandaşı «Hizb ut-Tahrir davaları» boyunca taqip etildi. Dördü endi cezasını çekti, 84 mabüs ise 8 yıldan 20 yılğa qadar apis cezasını aldı. 2019 senesi mahküm etilgen qırımtatarı Cemil Gafarov 2023 senesi fevralniñ 10-nda apiste can berdi», – dep qayd etti o.
«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
