Rusiye Federatsiyası kontrolindeki «Qırım federal universitetiniñ» studentlerini mayın haberlerinden soñ tahliye eteler, dep bildire RİA Novosti Rusiye haber agentligi.
Berilgen malümatqa köre, haber cumaaqşamı kündüz berildi.
«Akademik Vernadskiy caddesindeki Qırım federal universitetiniñ binasında telüke ilân etildi. Mayın haberinden soñ student ve hadimler acele tahliye etile», – dep aytıla haberde.
Qırımnıñ Rusiye akimiyeti yarımadadaki Rusiye Federatsiyasınıñ devlet müessiselerinde ve oquv yurtlarında mayın aqqında «bir sıra sahte haber» bar, dep bildirdi.
Bıltır oktâbr ayında Rusiye kontrolindeki Qırım yolbaşçısı Sergey Aksenov toqtamayıp kelgen mayın haberleri sebebinden mektep talebelerini uzaqtan ögrenüvge aluv imkânını baqqan edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
