«Qırım evi» teşkil etken «Qırım ikâyeleri» halqara online fotoresim yarışında Rifhat Yakupovnıñ «Mında evimiz olacaq, oğlanım!» Adlı fotoresimi ğalebe qazandı.
Müellifniñ aytqanına köre, bu fotoresim onıñ Qırım ziyaretlerinden biri esnasında yapıldı – 1991 senesi mayıs ayında faal qurucılığı başlağan Bağçasaraynıñ altıncı mikrorayonında.
«Kimse foto çıqarmamnı sımarlamağan edi. Qırımtatarlarnıñ rejim ile zor küreşi, Vatanğa qaytuv küreşi, bu halqqa sevdirip, çette qalmağa imkân bermedi. Neticede qarar aldım – özümni vatanım Tataristandan daa çoq tatar kibi is etkenim yerge köçecem», – dep tarif etti fotoresim aqqında Rifhat Yakupov.
Finalistler arasında Leylâ Ametovanıñ «Oynağan terek», Seytumer Seytumerovnıñ «Devlet-Saray küz boyalarında», Serşey Ziskonıñ «Ceneviz qalesi» ve digerleri bar.
İşler bir ay devamında qabul etildi. Bu vaqıt devamında yarışqa 33 müellifniñ 89 fotoresimi keldi.
«Meraqlı fotoresimlerden ğayrı, iştirakçilerniñ keniş coğrafiyasını körmek mümkün – ebet, Qırım ve Ukrainanıñ diger köşelerinden ğayrı, New York, Pittsburgh, İstanbul ve Londradan müellifler bar», – dep ayta teşkilâtçılar.
Ğalip diplom, hatıra bahşışı ve ukraince çıqqan qırımtatar nesiriniñ neşir toplamını alacaq.
«Qırım eviniñ» Ukraina fotoressamları milliy birliginen beraber «Qırım ikâyeleri» halqara online fotoresim yarışını keçirgeni aprelniñ 1-nde haber etilgen edi.
