Rusiye Mudafaa nazirligi bildirgenine köre, avgustnıñ 22-ne keçer gecesi Rusiye arbiyleri Qırımğa yaqın Qara deñiz üzerinde eki uçucısıznı urıp tüşürdi.
Berilgen malümatqa köre, uçucısızlar Qırımnıñ şimali-ğarbinde 40 kilometrde tüşti.
«Ava mudafaa sistemasınıñ nevbetçi küçleri eki Ukrayına uçucısız cihazını qayd etti ve radioelektron küreş vastalarınen tüşürdi», – dep yazdı Rusiye müessisesi Telegramda.
Ukrayına tarafı bu malümatnı izaatlamadı.
2022 senesi avgust ayından başlap Qırımda aman-aman er kün patlav sesleri eşitile. Rusiye akimiyeti de «Ukrayına uçucısızlarına» ateş açıldı, de «ava mudafaası çalıştı», dep Rusiye arbiyleriniñ talimleri keçirile, dep bildire.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
