Rusiye müessisesiniñ beyanatına köre, işğal etilgen yarımadada 11 uçucısız «urıp tüşürildi». Sekiz uçucısız Azaq deñizinde yoq etildi, 6-ı – Krasnodar ülkesinde.
Qırım Telegram kanalları patlavlar ve küçlü sesler aqqında bildirdi. Rusiye akimiyetiniñ haberini mustaqil menbalarda tasdıqlanmalı.
Rusiye Federatsiyasınıñ Mudafaa nazirligi bildirgenine köre, iyünniñ 6-na keçer gecesi Qırımda 13 Ukrayına uçucısızı tüşürildi. Yerli saifeler bir de bir patlav ya da küçlü sesler aqqında bildirmey.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
