Onıñ malümatına köre, soñki vaqıtları Ukrayin pravoslav kilsesiniñ faaliyeti bastırıldı, «Aluşta» ve «Eski Qırım» musulman cemiyetleriniñ maqsadlı taqipleri qayd etildi, İyegova şaatlarınıñ tarafdarları arasında yañı tintüvler keçirildi. Aynı vaqıtta, aq qorçalayıcı Moskva patriarhatı Ukrayin pravoslav kilsesi taqip etilmey, dep qayd etti.
«Hristian ve musulman dinlerinen biz etnik mensüplikke köre taqipni köre bilemiz. Öz qanunlarınen oynağan Rusiye Qırım sakinlerine, ukrayinlerge ve qırımtatarlarğa terrorist ve ekstremist yarlıqlarını qoyıp, suniy telüke ve duşmanlar yarattı, milletlerara kerginlik ve qorqu müitini qozğadı», – dep hulâsa çıqardı Sabina İlyas.
2023 senesi avgustnıñ soñunda Ukrayina Yuqarı Radasınıñ vekâletlisi Dmıtro Lubinets Rusiye qırımlılarğa qarşı diniy sebeplerden 100-den çoq cinaiy dava açtı, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
