Ukrayina Silâlı quvetleriniñ Baş ştabı işğal etilgen Qırımda yanıcı-yağlayıcı malzemeler olğan üç obyektke darbe endirdi. Bu haber Ukrayina Baş ştabınıñ içtimaiy ağlardaki saifelerinde derc etildi.
Ukrayina Silâlı quvetleri Baş ştabınıñ malümatına köre, Sarabuz qasabasında yanıcı-yağlayıcı malzeme rezervuarı ve tsisternalarına ücümler qayd etildi. Aqmescitte eki yanıcı-yağlayıcı malzeme bazasında rezervuar parkları zarar kördi. Yaqarlıq rezervuarları yandı.
Bu malümatnı tasdıqlağan mustaqil bir menba şimdilik yoq.
Qırımda gece ve noyabrniñ 6-nda saba erte Rusiye Federatsiyası ava mudafaasınıñ işi ve patlav sesleri eşitildi, dep haber etildi. “Krımskiy veter” Telegram kanalı Sarabuz rayonında patlavlar ve Bitumnoye ve GRES qasabalarında yanğınlar aqqında yazdı.
Noyabrniñ 6-nda saba Rusiye Mudafaa nazirligi Qırımda yedi uçucısıznıñ yoq etilüvi aqqında bildirdi, amma bunıñ qayda olğanını aytmadı. Müessise beyanatlarınıñ bir delilini köstermedi, bu malümatnı mustaqil menbalarda tasdıqlamaq imkânsız ola.
2022 senesinden başlap yarımadağa er kün ücüm ete, çoqusı allarda Rusiye Mudafaa nazirligi ya da Rusiye akimiyeti arbiy obyektlerge ücüm etilgenini tasdıqlamay.
