Qırımda bir künde 165 yañı COVID-19 hastası qayd etildi, bu raqam keçken künden daa yüksektir. Bu aqta Qırımnıñ Rusiye Sağlıq nazirligi bildirdi.
Resmiy malümatqa köre, 167 insan yahşı oldı, 10 hasta vefat etti.
Yanvarniñ 17-nde Sağlıq nazirligi bir künde 148 koronavirus hastası ve doquz vefat aqqında bildirdi.
Yanvarniñ 17-nden itibaren Qırımda kovidnen bağlı sıñırlavlar quvetleştirile, dep bildire akimiyet. Aş müessiseleri, alış-veriş merkezleri, salon, sauna, fitnes-merkezleri, teatr ve kinoteatrlerde ziyaretçilerden kene QR-kodlar talap etilmeli.
Restoranlarda eglence tedbirleriniñ keçirilüvi yasaqlana. Hostel işiniñ yasağı «hususiy emirge qadar» uzatıldı. Kütleviy tedbirler de yasaqlandı.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
