Link açıqlığı

Saatnıñ esas haberi

Qırım ve Aqyarda bir künde 24 insan COVID-19-dan vefat etti


Nümüneviy fotoresim
Nümüneviy fotoresim

Qırımda soñki künü 22 COVID-19 hastası vefat etti, Aqyarda eki kişi vefat etti. Bu aqta yarımadanıñ Rusiye akimiyeti haber ete.

Umumen bir künde Qırımda 170 koronavirus hastası qayd etildi, Aqyarda – 108 yañı hasta.

Dekabrniñ 19-nda Qırım akimiyeti 176 yañı COVID-19 hastası, Aqyar akimiyeti ise 111 yañı koronavirus hastası aqqında bildirdi. Böylece, yarımadada COVID-19 hastalarınıñ sayısı eksilmege devam ete.

Dekabrniñ 17-nde Qırımda COVID-19 sebebinden kütleviy yılbaş tedbirleri yasaqlandı.

Dekabrniñ 10-nda Qırımda 18 yaştan büyük şahıslarnı koronavirusqa qarşı aşı yaptırğanlarına dair sertifikatlarnı ve kütleviy tedbirlerge kirmek içün QR kodlarını köstermege mecbur ettiler.

Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

COVID-19 koronavirus yuqunçı

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG