Link açıqlığı

Saatnıñ esas haberi

Qırımda bir künde qayd etilgen COVID-19 hasta sayısı eksildi


Qırımda avgustnıñ 13-nde saba Rusiye akimiyeti 390 yañı COVID-19 hastasını qayd etti, bir kün evelsi hasta sayısı üç kişi çoq edi, dep bildire Qırımnıñ Rusiye yolbaşçısı Sergey Aksenov.

«336 hasta tibbiy yardım içün muracaat etkende qayd etildi, 51 kişi daa evel qayd etilgen hastalarnen alâqada oldı, 3 hasta çetelden keldi. Bir künde 283 insan tüzeldi, bütün müddet devamında 53 961 kişi yahşı oldı», – dep bildirdi Aksenov içtimaiy ağlardaki saifelerinde.

Hatırlatamız, bir kün evelsi Qırımda 393 koronavirus hastası qayd etildi.

Avgustnıñ 11-nde Qırım ve Aqyardaki Rospotrebnadzor idaresiniñ yolbaşçısı Natalya Penkovskaya koronavirus yuqunçı ile küreş operativ ştabınıñ toplaşuvında Qırımda Yalta, İçki ve Krasnoperekopsk rayonları koronavirus hastalarınıñ sayısına köre lider ola, dep bildirdi.

Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

COVID-19 koronavirus yuqunçı

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG