Qırımda keçken künü 293 yañı koronavirus hastası qayd etildi, bir kün evelsi qayd etilgen hastalarnıñ sayısı 11 insan az edi. Bu aqta Qırımnıñ Rusiye yolbaşçısı Sergey Aksenov Facebookta bildirdi.
«Bir künde 234 insan yahşı oldı, bütün müddet devamında 66 209 kişi tüzeldi», – dep aytıla haberde.
Rusiye kontrolindeki Qırım sağlıq nazirliginiñ malümatına köre, bir künde Qırımmda 16 COVID-19 hastası vefat etti. Pandemiya devamında 2504 kişi vefat etti.
Hatırlatamız, bir kün evelsi Qırımda 293 yañı koronavirus hastası ve 17 vefat qayd etildi.
Keçken aftanıñ ortasından berli koronavirus hastalarınıñ sayısı arta.
Qırım ve Aqyardaki Rospotrebnadzor idaresi bildirgenine köre, Qırımnıñ bir çoq rayonında koronavirus vaziyeti kerginleşti. Müessise, Qırımda dördünci koronavirus dalğası beklenile, lâkin qırımlılar daa az aşı olmağa başladı, dep qayd etti.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
