Ukrayına Mudafaa nazirliginiñ Baş istihbarat idaresiniñ yolbaşçısı Kırılo Budanovnıñ fikirince, Qırım ve diger işğal etilgen topraqlarnıñ ketkenini Moskva Hersondan çekilgeni kibi «mecburiy adım» dep adlandıracaq. Bu aqta o, RBK-Ukrayına intervyüsında ayttı.
«Ve mında mecburiy adım olacaq ve bir baht. Anda propaganda maşinası etalon kibi çalışa, bu bir örnek. Ealisini öyle bir aldatalar, dünyada kimse bunı yapıp olamay», – dedi Budanov.
Onıñ fikirince, Rusiye tarafından özek darbesi olmaycaq, Qırım qaytarılmasa ise, cenk bitmeycek.
«Şimdi toprağımıznı qaytarmaq kerekmiz, vaqıt kerek. Vaqtımız daa bar. Qırım eñ soñunda alınsa – bu bir final olacaq. Qırım birinci olıp alınsa, Donbas ise alınmasa – final olmaycaq», – dep ayttı Baş istihbarat idaresiniñ yolbaşçısı.
Ukrayına istihbaratınıñ yolbaşçısı qayd etkenine köre, cenkni tek 1991 senesiniñ sıñırlarına qaytıp bitirmek mümkün, Kyiv ise bir vaqıt topraqlarından vazgeçmeycek, 2023 senesi topraq bütünliginiñ ğayrıdan tiklenmesi «irişilmesi mümkün olğan bir vazife» ola.
Aprelniñ 24-ne keçer gecesi Qırım.Aqiqat mühbirleri Aqyardaki patlavlar aqqında haber etti. Olarnıñ aytqanına köre, patlavlar Nahimov oquv yurtu ve Streletskaya körfezi yaqınlarındaki arbiy bölükler rayonında eşitildi. Zenit topu ve atıcı silâ ateşleri de eşitildi.
Malümatnı şeerniñ Rusiye yolbaşçısı Mihail Razvojayev tasdıqladı. Onıñ aytqanına köre, gece Aqyarğa suv üstü dronlar ücüm etti – bir uçucısız yoq etildi, ekincisi özü patladı.
ABD ordusınıñ sabıq Avropa komandanı general Ben Hocesniñ fikirince, Ukrayına ordusınıñ qarşı ücüm maqsadı Qırım izolâtsiyası olmalı. O, Rusiye Qırımda qalsa, Ukrayına özüni telükesizlikte is eter, iqtisadiyatını ğayrıdan tikler, dep tasavvur etip olamay.
Hocesniñ aytqanına köre, Rusiye Federatsiyası Qırımnı «qolunda tutsa», ileride Azaq deñizini blok etecek ve Qara deñizde ticaretke keder etecek.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
