Rusiye Adliye nazirligi çetel agenti olaraq tanılğan "Qırım birdemligi" cemaat areketiniñ iştirakçileri dep sayğan insanlarnıñ cedvelini 137 insanğa qadar kenişletti. Bu aqta areket iştirakçisi Lutfiye Zudiyeva Facebookta bildirdi.
Onıñ aytqanına köre, yañartılğan cedvelge müvekkillerini mahkemelerde temsil etken Qırım ve Rusiye advokatları, jurnalist, aq qorçalayıcı, ressam, iş adamı, tarihçı, qırımtatar halqınıñ aqsaqalları, Qırımlı siyasiy mabüslerniñ ömür arqadaşları ve anaları kirdi.
Cedvelde endi sağ olmağan ve yıllar evelsi vpiske alınğanlar bar.
Rusiye Federatsiyası Adliye nazirliginiñ Qırım cemaat areketine qarşı qararı tesir etilgen insan sayısına köre eñ büyük oldı.
Zudiyeva akimiyet bu cedvelge kirsetken er keske aqlarını qorumaq içün uquqiy yardım ve mesleatlar kerek olacaq, dep ayttı.
Ruste Adliye nazirligi iştirakçi cedveli kenişletilgenini resmiy şekilde bildirmedi.
"Qırım birdemligi" areketi işğal etilgen Qırımda işini toqtattı, dep bildirgen edi.