Azatlıq Radiosı Ukrayına hızmetiniñ leyhası olğan Qırım.Aqiqatnıñ 10 yıllıq işi munasebetinen Ukrayına jurnalistler milliy birligi Qırım.Aqiqat hadimlerini «demokratik qıymetler, söz serbestligi, sahte malümat ve tsenzuranen küreşke qoşqan isseleri» içün «Mahsus nişannen» taqdirledi.
Mukâfat martnıñ 26-nda Kyivdeki Qırım evinde «Qırım işğali ve tirenüviniñ on yılı Qırım.Aqiqat jurnalistleriniñ fotoresimlerinde» fotoresimler sergisi açılğanda berildi.
Bundan evel Ukrayına jurnalistleri milliy birligi «Mahsus nişannı» Qırım.Aqiqat müellifleri Mıkola Semena ve Vladislav Yesipenkoğa, Azatlıq Radiosınıñ müellifi Stanislav Aseyevge bergen edi, olar İgor Lubçenko söz serbestligini qoruv mukâfatınıñ laureatları oldı.
Martnıñ 25-nde Serbest Avropa Radiosınıñ Ukrayına hızmeti/Azatlıq Radiosınıñ Qırım.Aqiqat leyhası 10 yaşını toldura. Azatlıq Radiosınıñ Qırım leyhası 2014 senesi mart ayında quruldı – Rusiyeniñ Qırım işğaliniñ ve ilhaqınıñ ilk aftalarında. Qırım.Aqiqat jurnalistleri on yıl devamında azatlıqları ve atta ayatlarını feda etip, Qırımda olğanlarnı, qırımlılar nasıl yaşağanını ve küreşkenini tarif ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
