Kelecek afta devamında Qırımda orta ava arareti çoq yıllıq iklim normasından 5-6 derece yüksek olacaq, yarımadada sıcaq olması tahmin etile. Bu aqta «Fobos» ava merkeziniñ mütehassısı Yevgeniy Tişkovets «Sputnik v Krımu» radiosınıñ yayınında ayttı.
«Kelecek afta ava arareti artacaq, barometr daa yüksek raqamlarnı kösterecek. Küneşli ava olacaq, yağanaq ihtimali az. Bir yerde yağmur yağsa da, bir şeyge tesir etmeycek, ava küneşli ve quru olacaq, ava arareti köterilecek. Gece +18…+23, kündüz +31…36 derece», – dep bildire Tişkovetsniñ aytqanlarını «RİA Novosti Krım».
Daa evel berilgen malümatqa köre, bu raatlıq künleri Qırımğa suvuq cebe kelecek, Rusiye Fevqulâde vaziyetler nazirliginni idaresi furtuna ihtarını uzattı.
Cumaertesi künü, avgustnıñ 7-nde, Qırımda boranlı yağmur yağa.
