Avropa Birliginiñ Ukrainağa ait Qırım işğali sebebinden Rusiyege qarşı iqtisadiy sanktsiyalarnıñ iyülniñ 12-nde uzatılması beklenile, dep bildire iyünniñ 30-nda Azatlıq Radiosınıñ Brüssel mühbiri Rikard Jozwiak.
İyünniñ 25-nde haber etilgenine köre, AB memleketleriniñ ükümet yolbaçıları Qırım sebebinden Rusiyege qarşı sanktsiyalarnı daa yarım yılğa uzatmağa razı oldı. Daa soñra bunı Avropa şurasınıñ yolbaşçısı Charles Michel tasdıqladı.
2014 senesi Qırım işğali ve Donbastaki cenk uruşları başlağan soñ Avropa Birligi Ukraina topraq bütünligi ve mustaqilliginiñ bozuluvınen bağlı sanktsiyalarnı kirsetti. O vaqıttan berli olarnı uzatalar.
Sektoral iqtisadiy sanktsiyalar Rusiye bankları ve şirketleriniñ Avropa Birligindeki sermiyanıñ birinci ve ekinci bazarları ile bağlarını sıñırlamaqta, silâ satışında ihrac ve italni yasaqlamaqta, arbiy qullanuv ya da Rusiyede arbiy alıcılar içün ekili qullanuv mallarınıñ ihracını yasaqlamaqta, em de cermaynı qazıp çıqaruv ve qıdıruvda qullanıla bilgen tehnologiya ve hızmetlerde Rusiyeni sıñırlamaqta.
