Tatarstannıñ Qazan şeerinde musulmanlar içün muqaddes sayılğan Ramazan ayını qarşıldılar.
Birinci kere bu munasebetnen ayaqmaşinalar yürüşi teşkil etildi. İştirakçiler şeerde eñ belli camileri – «Yardem», «Kul Şarif», «Kazan Nur», «Nurulla», «Apanay» ve diger ibadethaneleri yanında toqtadılar. Yol boyu keçken sakinlerge Ramazannıñ başlanğanını hatırlatqan kiçik ediyeler yaptılar.
Tedbirde istegen er kim iştirak etip oldı.
Ayaqmaşina yürüşini Tatarstan musulmanları diniy idaresiniñ yaşlar bölügi keçirdi.
