40 binden çoq adam yaşağan Arıs Qazahistan şeerinde, Mudafaa nazirliginiñ arbiy qısmında patlavlar oldı. Bu aqta Azattyq Radiosı bildirmekte.
Resmiy malümatqa köre, "patlavda yaralanğanlar ve zarar körgenler yoq". Mudafaa nazirliginde, "arsenallarnıñ birisinde yanğın çıqtı ve bunıñ sebebinden arbiy yedekler patlap başladı", dep bildirdiler.
Yerli memurlar tahliyeni ilân etti.
Türkestan vilâyetiniñ akimi, arbiy qısımdaki patlavlardan soñ bölgesinde fevqulâde vaziyetni ilân etti.
Qazahistan prezidenti Qasım-Jomart Tokayev, "Arıs şeerinde arbiy qısımda patlavlarnıñ aqibetlerini yoq etmek içün tedbirler azırlamaq", sakinlerniñ havfsızlığını kefalet etmek ve patlav sebeplerni bilmege mudafaa ve içki işler nazirlerine ve Türkestan vilâyetiniñ akimine buyurdı.
