Martnıñ 9-ında olğan malümatqa köre, Qazahistanda çetelden kelgen 3 676 adam koronavirus sebebi ile karantinde tutula, haber ete Sağlıq Nazirligi. Bunı Radio Azattık bildire.
Olardan 1 053 adam Qıtay, Cenübiy Koreya ve İrandan qayttı, 182 adam - İtaliyadan, 2 849 adam - Almaniya ve İspaniyadan. 408 adamnı karantinden çıqardılar.
Akimiyetni bildirüvine köre, Qazahistanda koronavirus hastalığı adiseleri qayd etilmedi. Ülkede, eñ çoq yoqulama alları olğan memleketlerden qaytqan adamlarnı 14 künlük karantinge qoyalar.
Soñki malümatqa köre, Qıtayda yoquma alları azlaşıp başladı. Umumen ülkede 80 biñden zoyade adise ve üç biñden ziyade hastalıq qurbanı bar.
Ekinci yerde - Cenübiy Koreya, anda 7,4 biñden ziyade hastalıq adisesi ve 50 ölüm qayd etildi. İranda 7,1 biñ adise ve 237 ölüm.
İtaliyada: 7,3 biñden ziyade hasta ve 366 ölü.
Umumen dünyada 60 biñden çoq adam tedaviylendi.
Yañı çeşit koronavirus yuqunçı 2019 senesi dekabr ayında Qıtayda tarqalıp başladı.
2019-nCov (COVID-19) virusı büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.
