Yanvarnıñ 7-sinde Qazahistan İç işler nazirligi "temizlev" vaqtında narazılıq bildirgenler arasında 26 ölgenini ve 18 yaralanğanını haber etti. Bunı müessiseniñ matbuat hızmetine atfı etip "Habar24" devlet telekanalı bildire.
Bundan ğayrı, quvetçiler memlekette 3000 adamnı yaqalağanlar. İİN-niñ haber etkeni kibi, Qazahistan şeerlerinde bütün memuriy binalar "azat etilip, pek yahşı qorula".
Narazalıq bildirgenler ile çatışma zamanı Almatı. ve Şımkayentte Milliy Gvardiyanıñ 216 arbiyi yaralanğan.
Yanvarnıñ 6-nda İİN, itiraz bildirgenler ile çatışma vaqtında 18 quvetçi yaralanğanını bildirgen edi.
Yanvarnıñ 7-nde saba Qazahistan prezidenti Kasım-Jomart Tokayev qarşı terrocılıq ştabınıñ oturışında, "memleketniñ bütün bölgelerinde konstituttsiya nizamı esasen ğayrıdan tiklengen".
Tokayev, yanvarnıñ 5-nde aqşamı OTAŞ memleketlerinden küç yardımını istedi. Paşinânnıñ aytqanına köre, OTAŞ ortaq telükesizlik şurası "bu memlekette stabilleşüv ve vaziyetni normalleştirüv maqsadınen sıñırlı bir müddetke" barıştırıcı küçlerni yollamağa qarar berdi.
Cumaaqşamına keçer gecesi Almatı komendaturası uquq qoruyıcı organlar şeerde «terror ile küreş mahsus tedbirlerini» başlattı, dep bildirdi.
Narazılıqlarnıñ merkezi olğan Almatı şeerinde yanvarniñ 5-nde rezina tayaqlar, qalqanlarnen silâlanğan kimligi belli olmağan insanlar şeer akimatına ücüm etti.
O künü bir insan gruppası ava limanını zapt etti. Komendnatura «Qazahistanğa ücüm etüv» ve «devlet bütünligini bozuv ıntıluvı, tecavuz aktı» aqqında bildirdi.
Başta fevqulâde vaziyet rejimi Almatıda ve Manğıstau vilâyetinde ilân etildi, yanvarniñ 2-nde anda şingen gaz fiyatları artqan soñ narazılıqlar başladı. Soñra akimiyet fevqulâde vaziyetni bütün paytahtqa ve memleketniñ diger regionlarına tarqattı.
Şingen gaz fiyatlarınıñ birden artmasına qarşı mitingler Qazahistanda yanvarniñ 2-nde Janaozende (Manğıstau vilâyetindeki şeer, Qazahistannıñ ğarbi) başladı. Soñra kütleviy narazılıqlarğa çevirildi.
Yanvarniñ 5-nde saba Qazahistan ükümeti istifağa ketti.
