Link açıqlığı

Saatnıñ esas haberi

Qazahistanda bir qaç halqara ava limanı çalışmay


Almatı ava limanınıñ kirişinde mahsus polis bölügi, 2022 senesi yanvarniñ 5-i
Almatı ava limanınıñ kirişinde mahsus polis bölügi, 2022 senesi yanvarniñ 5-i

Qazahistanda Almatı, Aktau ve Aktobe ava limanları qapalı, dep bildirdi yanvarniñ 6-nda «Habar 24» devlet telekanalı.

«Almatı ava limanı faaliyetini vaqtınca toqtattı, dep bildire ava limanınıñ matbuat hızmeti. Aktau ve Aktobe ava limanı vaqtınca qapatıldı», – dep bildire telekanal.

Telekanalnıñ malümatına köre, paytaht Nur-Sultandaki ava limanı çalışa.

Yanvarniñ 5-nde akimiyetke qarşı narazılıqlar Qazahistannıñ büyük şeerlerine tarqaldı. Aqşam Tokayev devlet kanalınıñ yayınında vaziyetni tış tecavuznıñ neticesi dep adlandırdı ve OTAŞ devletleriniñ yolbaşçılarına «terror telükesini» yeñüvde yardım içün muracaat etti, dep bildirdi. Büyük rol Rusiyege ait olğan teşkilât bu teklifke razılıq berdi.

Qazahistandaki narazılıqlar yanvarniñ 2-nde maşinalar içün yaqıt olaraq qullanılğan şingen gaz fiyatları eki qat artqan soñ başlandı. Soñra narazılıq bildirgenler siyasiy talaplarını, hususan 1993 senesiniñ Anayasasına qaytuv kibi talaplarnı ayttı. Onıñ maddelerine köre, Tokayev eñ büyük yaştan büyük olğanı içün prezident olamaz.

XS
SM
MD
LG