Qırımnıñ bazı rayonlarında tünevin olğan qasırğalı yel tereklerni maşina yollarına yıqtı. Bu aqta «Krımavtodor» müessisesi haber ete.
«Tüşken terek ve pıtaqlarnı toplamaq içün yedi brigada çıqtı. Yol hızmetçileri tüşken tereklerni, pıtaqlarnı areket yolundan cıyıp, telükesiz yol areketini temin etmek içün çalışa», – dep aytıla haberde.
Qırımdaki Rusiye Fevqulâde vaziyetler nazirliginiñ idaresi qayd etkenine köre, yarımadanıñ bazı yollarında tuman ve klegey buz körüne, yol areketi zorlaştırıla. Bundan ğayrı, yarımadada maşinalar bazı yerlerden keçip olamay, çünki topraq suv yuvıp alıp ketti.
Qırımnıñ gidromettsentri fevralniñ soñki aftası devamında ava deñişecek, küçlü yel esecek ve yağmurlar yağacaq, dep tahmin ete. Yaqın künlerde ava arareti 20 derecege qadar köterilecek.
