Link açıqlığı

Saatnıñ esas haberi

Qarasuvbazardaki «Hizb ut-Tahrir davasınıñ» mabüslerini mahkeme mayısqa qadar apiste qaldırdı – faaller


Aqmescitniñ Kiyev rayos mahkemesi, arhiv fotoresimi
Aqmescitniñ Kiyev rayos mahkemesi, arhiv fotoresimi

Çarşenbe künü, martnıñ 25-nde, Rusiye kontrolindeki Aqmescitniñ Kiyev rayon mahkemesi Qarasuvbazardaki «Hizb ut-Tahrir davasınıñ» mabüsleri Riza Ömerov, Enver Ömerov ve Ayder Capparovnı apiste qaldırdı. Bu aqta «Qırım birdemligi» cemaat birleşmesi haber ete.

Faallerniñ qayd etkenine köre, martnıñ 18-nden berli koronavirus telükesi sebebinden ilân etilgen karantin vaziyetinde oturışuv qapalı oldı. Oturışuv neticesinde mahkeme dava mabüslerini 2020 senesi mayısnıñ 5-ne qadar apiste qaldırmağa qarar aldı.

2019 senesi iyünniñ 10-nda Aluşta, Qarasuvbazar ve Aqmescit rayonlarında keçirilgen tintüvlerden soñ 8 kişi tutuldı: Ruslan Nagayev, Eldar Kantimirov, Ruslan Mesutov, Lenur Halilov, Riza Ömerov, Enver Ömerov, Ayder Cepparov ve Eskender Suleymanov.

Aqaynıñ, babanıñ ve ağanıñ tevqifi. Ömerovlar qorantasınıñ ikâyesi (video)
Bekleñiz, lütfen

No media source currently available

0:00 0:05:35 0:00

Rusiye FSBsi, tahqiqat tedbirleri 205.5 maddesine istinaden (terror teşkilâtını quruv ya da anda iştirak etüv) açılğan cinaiy dava çerçivesinde keçirile ve «Hizb ut-Tahrir» diniy teşkilâtınen bağlı, dep bildirdi.

Ukraina uquq qoruyıcı organları Rusiye quvetçileriniñ Qırımda keçirgen tintüvleri sebebinden cinaiy tahqiqat başlattı.

Ukraina Tış işler nazirligi, Qırımdaki apiske aluvlarğa qarşı narazılıq bildirip, Rusiyege qarşı siyasiy, iqtisadiy ve sanktsiyalar basqısını quvetleştirmege çağırdı.

«Hizb ut-Tahrir işi» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay.

«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

XS
SM
MD
LG