Qarasuvbazar suv anbarı Qırımdaki beş eñ büyük suv anbarlarından biridir (yarımadada umumen 23 böyle suv anbarı bar). Biyuk Qarasu özeni vadiysinde çiftçilik topraqlarını suvarmaq ve qomşu Taygan suv anbarını beslemek içün 1972 senesi tamamınen suv ide toldurıldı
2014 senesi Herson vilâyeti ile Qırımnıñ memuriy sıñırındı yerleşken Şimaliy Qırım beketiniñ qapatılmasından soñ suv anbarınıñ vazifesi biraz deñişti: o, Şimaliy Qırım, keçken sene ise Aqmescit suv anbarı içün de "donor"ğa çevirildi.
2016 senesiniñ soñunda Qarasuvbazar suv anbarınıñ faydalı yedekleri aman-aman tamamınen tükendi, buña köre de Şimaliy Qırım beketiniñ şarq qolu Büyük Qarasu özeniniñ havuzı ve yerastı suvları sayesinde toldurıldı.
Bugünde-bugün, qurğaq küz sebebinden Qarasuvbazar suv anbarı kene bayağı saylaştı ve "ölü kölemge" yaqınlaştı.
Qarasuvbazar suv anbarınıñ körünişi (fotogalereya)
1
Suv anbarınıñ üst qısımları Büyük Qarasu özeniniñ say yatağına qadar tarlaştı. Özenniñ özü deñiz seviyesinden 228 metr yükseklikte, Karabi yayla dağ massiviniñ eteginde, Qarasu Başı çoqrağından başlana.
2
Esasen, Qarasuvbazar suv anbarınıñ havuzınıñ şimal kenarı onıñ bentiniñ qarşısında suv ile tolu
3
4
Sağdaki selbiler arasında Qarasuvbazar ve Taygan suv anabrını bağlağan 620 metrlik bir taşma yapısı başlana
5
Suv Qarasuvbazar suv anbarınıñ bentinden bayağı ketti
6
Suv anbarınıñ sol sailindeki çalılarda "canlı" tunnel
7
10
Tarla yolunıñ kenarında qaburçaq taşından suv aluv qullesi
11
Keçmiş yüzüm bağlarında Kriniçnıy sakinleri köpeklerini kezdire ve aynı zamanda mantarlar cıya
13
Taygan suv anbarınıñ quruğan havuzları körünmey
14
15
Qarasuvbazar suv anbarı üzerinde batayatqan küneş
Facebook Forum