Bunı Qırım.Aqiqatqa #LiberateCrimea Qırımnıñ işğalden azat etilmesi içün halqara areketniñ Qırım bölüginde bildirdiler.
#LiberateCrimea faalleri bildire ki, ocaqnıñ işçilerinden onıñ tübünde suvuq dağ taşlarınıñ peyda oluvı aqqında eşitkenler.
"Bu ocaqta esasen qurucılıq malzemesi olğan köşeli çaqıl taş çıqarıla. Yerli dağlarnıñ kireçli qurulışı bar, şunıñ içün olar tabiat nem toplayıcısı olalar. Yağmur suvu kireçli taşlar vastasınen yahşı sızıp keçe, o, çeşmeler beslengen teren suvlu qatlamlarnı toldura. Şimdi, teren ve keñ tarqalğan karyerler tarafından yerli gidrogeologiyanıñ bozuluvı sebebinden, yerastı suvlarnıñ yerleşüvi ve miqdarı deñişe, bu ise, etraftaki landşaftnıñ suv balansına menfiy tesir ete. Ocaqnıñ qapatıluvı mantıqqa uyğundır, amma yerli Rusiye akimiyeti bunı eşitmek bile istemey", — dep tarif ettiler #LiberateCrimea Qırım faalleri.
Faallerniñ qayd etkenine köre, "Ulyanovskiy kireçtaşları" şirketiniñ yuridik adresi Rusiyeniñ Krasnodar ülkesinde yerleşe. Faallerniñ fikirince, bu, cemaatçılıq ve teşkerüv organlarınıñ diqqatından uzaqlaşmaq içün yapıldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
