Qara deñizde ukrayin koridorı çalışqan vaqıtt devamında ondan 302 gemi faydalanıp, agrar mahsulatı ve diger yüklerni dünyanıñ 24 memleketine ihrac etken. Bunı Ukrayina infraterkip naziri Oleksandr Kubrakov dekabrniñ 19-nda bildirdi, dep bildire müessiseniñ matbuat hızmeti.
''4 ay içinde yüklerniñ nomenklaturasını keñleştirdik ve olarnı ihrac etmege başladıq. Qayd eteyim ki, köy hocalığı mahsulatınıñ miqdarı bayağı arttı: birinci ayda 278 biñ tonnadan aman-aman 5 million tonnağa qadar'', - dedi nazir.
Kubrakovnıñ tahminlerine köre, koridor boyunca umumiy ihrac miqdarı 10 million tonnağa yetti.
Hususan, Rusiyeniñ liman ifraterkibine ücümlerine baqmadan, Büyük Odesa limanları 337 gemini qabul etti, daa 79 yaqın vaqıtta qabul etmege planlaştıralar.
İhracat koridorı Rusiyeniñ Qara deñiz zahire teşebbüsinden çıqqanından soñ, 2023 senesi yazda teşkil etildi. Bundan soñ Rusiye Ukrayina limanlarına, şu cümleden Reni ve İzmail Dunay limanlarına raketa ya da dronlarnen ücüm ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
