Rusiye Qara deñiz flotu vaqtınca işğal etilgen Qırım yanında özüni telükesiz artıq is etmey, dep bildirdi Ukrayina Silâlı Quvetleriniñ Arbiy deñiz quvetleriniñ spikeri Dmıtro Pletençuk.
Onıñ qayd etkeni kibi, soñki vaqıtları RF gemileri işğal etilgen topraqlardan uzaq buluna ve Qara deñizniñ şimaliy-şarqiy qısmına yaqın yerleşe.
"Rusiyeliler Aqyar körfezinde özüni telükesiz artıq is etmey, çünki bu Ukrayina toprağıdır. Qara deñiz bölgesiniñ akvatoriyasında işğalcilerniñ eki deñiz bazası bar: işğal etilgen Aqyarda ve Novorossiyskte", - dep bildirdi o.
Pletençuk, gemilerniñ halkhara seviyede tanılğan saillerniñ yaqılarında yerleşkenini bildirdi. Sebep ise, olarnıñ akvatoriyada esas nişan olğanını añlağanıdır.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
