Türkiyeniñ Samsun şeerinde yanvarniñ 7-nde ukrainalılar olğan yük gemisi battı, dep bildire Radio Svoboda. Ukrainanıñ Türkiye elçisi Andriy Sıbiganıñ malümatına köre, ekipajnıñ dört azası elâk oldı.
«Bugün saba Samsun yalısında ava sebebinlen yük gemisi battı. Ekipajnıñ 13 azasından 11-i Ukraina vatandaşı edi. Sail qaravulı kerekli tedbirler aldı. Ne yazıq ki, dört semetdeşimizni qurtaramadılar», – dep yazdı elçi.
Onıñ bildirgenine köre, ekipajnıñ yedi azası Samsun şeeriniñ hastahanesine alıp ketirildi. Deñizcilerni şeer valisi ziyaret etti, olar «kontrol altında buluna».
Panama bayrağı altındaki yük gemisi Türkiyeniñ Samsun sailinden 148 kilometr mesafesinde felâket işaretini berdi.
