Link açıqlığı

Saatnıñ esas haberi

Qara deñizde tankerlerde yanğın: qazalanğan deñizcilerni Keriçke ketirdiler


Qara deñizde qurtarıcı gemi tanker yanğısını söndüre
Qara deñizde qurtarıcı gemi tanker yanğısını söndüre

Qara deñizde yanıp turğan eki tankerde zararlanğan deñizcilerni Keriçke ketirdiler dep bildire Qırım ve Rusiye matbuatı.

“RİA Novosti Krım” agentliginiñ malümatına köre, qarada olarnı “acele yardım” maşnaları bekledi, ekimler zararlanğanlarnı baqmağa azır edi.

Eki tankerniñ taqım azalarınıñ qıdıruvında, Rusiye FSB-siniñ Qırımdaki sıñır idaresiniñ “Don” gemisiniñ taqımı da iştirak etii.

Rusiye sıñırcıları, adise yerinden ketirilgen yabancılarnıñ qayd etmesini keçirgenleri bildirile.

“Krıminform” matbuatı bildirgenine köre, Keriç limanına elâk olğanlarnıñ cesetleri endi ketirildi.

Yanvarniñ 21-nde Qırım yalısında Tanzaniya bayrağı altında «Maestro» ve «Kandi» tankerlerinde patlav ve yanğın oldı.

«Maestro» tankeri Rusiyeniñ Temrük şeerine kete edi, anda 14 Türkiye ve İndistan vatandaşı bar edi. «Kandi» tankerinde 17 insan bar edi – olap da Türkiye ve İndistan vatandaşları. Ukrainalı jurnalist Andriy Klımenkonıñ aytqanına köre, tankerler «ABD Suriye sanktsiya cedvelinde» olğan Milenyum Denizcilik Gemi türk şirketine ait.

Rusiye Tahqiqat komiteti Qırım yalısında yanğın neticesinde tankerlerde insanlarnıñ elâk olğanı sebebinden «diqqatsızlıqtan sebep eki ve daa ziyade şahısnı öldürüv» maddesi boyunca cinaiy iş açtı.

Пожар в Черном море: танкеры не могут потушить уже сутки (видео)
Bekleñiz, lütfen

No media source currently available

0:00 0:01:03 0:00

Yanğın ve patlavğa oğrağan tankerler qanunsız şekilde Suriyege şingen gaz taşığan edi, dep bildirdi Ukrainanıñ vaqtınca işğal etilgen topraqlar meseleleri nazirligi.

2014 senesi iyül ayında Ukraina ükümeti Rusiye işğal etken yarımadanıñ bütün limanlarını resmiy şekilde qapattı, Qırım limanları halqara gemiler içün qapalı qala.

XS
SM
MD
LG