Link açıqlığı

Tanılmağan Qırım cumhuriyetiniñ nevbetten tış olğan sessiyasında bir sıra kadrlar tayinleri olğan.

Qanusız parlamentnıñ matbuat hızmetiniñ bildirgenine köre, Lenur İslâmov Qırım nazirler Şurasınıñ baş naziriniñ muavini işlerini becergen olaraq tayin etildi. Gennadiy Narayev – «ekologiya ve tabiyat resursları naziri», Zaur Smirnov «milletlerara munasebetler işleri ve sürgün etilgen grajdanları meseleleri Cumhuriyet komitetniñ reisi» olğanlar. .

Natalya Gonçarova bundan evel çalışqan «Tasil, ilim ve gençlik naziri» olaraq tayinlengen, Georgiy Şestak ise «Sport naziri» olğan.

Nikolay Kolesniçenko qanunsız Qırım parlamentınde yañı qurulğan yerli özidere organları ile tesirleşüvi ve idariy-territorial quruvı meseleleri boyunca Daimiy komissiyanıñ reisi olaraq tayin etildi. Edip Gafarov tanılmağan Qırım Cumhuriyetiniñ meletlerara munasebetleri ve sürgün etilgen grajdanları meseleleri boyunca Daimiy komissiyanıñ reisi olaraq tayinlendi.

Yañı tayinler olğanı sebebinden «Qırım parlamentnıñ» Prezidiumı erkânına ve qanunsız nazirler Şurasına deñişmeler kirsetildi.

Bu afta Meclis tanılmağan Qırım ükümetine öz vekillerini yollağan. Bunen beraber, Milliy Meclis ükümette olğan vekillerinden er afta nazieler Şurası tarafından qırımtatar halqı içün yapılğan işleri aqqında esabat berilmesini talap etti. Bu qararnı işbirlik olaraq tanımamağa davet etti.
XS
SM
MD
LG