Rusiye prokuraturası Rustem Murasov, Rustem Tairov, Cebbar Bekirov ve Zavur Abdullayev içün uzun apis müddetlerini istegen. Bunı advokat Aleksey Ladin bildirdi.
Bekirov içün 19 yıl, Abdullayev, Murasov ve Tairov içün 15-şer yıl apis cezasını isteyler. Prokuratura episiniñ ilk dört yılını apishanede keçirgenini de istey.
2021 senesi avgust ayında Rusiye quvetçileri Qırımda birden beş qırımtatarınıñ evini tintken edi. Soñra faaller Rustem Murasov ve Rustem Tairov, Aqyarnıñ Balıqlava rayonında Cebbar Bekirov, Bağçasaray rayonında Zaur Abdullayev, Aqmescit rayonında Raif Fevziyev tutulğan edi.
«Qırım birdemligi» cemaat birleşmesi advokat Aleksny Ladinniñ malümatına esaslanıp, tutulğan qırımtatarlar «terror teşkilâtını qurğanından ve iştirak etkeninden» şübheli sayılğanın bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
