Qıtayda yañı koronavirusnıñ yuqması sebebinden ölgenlernin sayısı 106 adamğa qadar östi, 1771 yañı yoqulma adisesi qayd etilgen. Bunı yanvarniñ 28-inde Qıtay akimiyeti bildirdi, haber ete Azatlıq Radiosı.
Milliy Sağlıq Komissiyasınıñ malümatına köre, yanvarniñ 27-sinde ülkede 4515 tasdıqlanğan virus adisesi bar.
Yañartılğan malümat, Moğolistan Şimaliy Koreya ve Qırğızistan Qıtay ile sıñırlarını qapatqanından soñ peydan oldı, Hong Kong ve Malayziya ise, yañı telükeli virus peydan olğan Qıtay bölgesinden ziyaretçilerniñ kirmesini yasaqladı.
Yanvarnıñ 27-sinde Amerika Sağlıq merkezleri Qıtayğa barmaqtan saqındırdı, Canada ise hastalıqnıñ merkezi - Hubey bölgesine barmamağa tevsiye etti.
Yanvarniñ 27-sinde Almaniyada koronavirus yuqmasınıñ ilk adisesini tasdıqladılar. Bundan ğayrı Kamboca, Şri Lanka, Malayziya, Cenubiy Koreya, Tayvan, Tayland, Kanada, Nepal, Vyetnam, Saudiye Arabistanı, Sinqapur, Yaponiya, ABŞ, Frenkistan ve Avstraliyada yuqmalar qayd olundı.
